2 октомври 2024 г.
Известувања
ЈП Паркинзи на Општина Центар (ПОЦ) издава предупредување до граѓаните за појава на лажна Дневна Паркинг Карта (ДПК), на која е злоупотребен дизајнот и логото на претпријатието. На лажната карта е поставен QR код, кој води кон веб-страница што нема никаква поврзаност со ЈП ПОЦ, со цел измамнички да се добијат парични средства.На оваа лажна веб-страница се прибираат лични податоци и информации за платежните картички, кои подоцна можат да бидат злоупотребени за интернет плаќања.
Доколку го скениравте QR кодот и внесовте податоци на веб-страница различна од официјалната на ПОЦ (https://users.poc.mk/PayDpk), ве молиме веднаш да го поставите лимитот за интернет плаќања на вашата картичка на 0 и да побарате реиздавање на картичката. Важно е да не им верувате на QR кодовите без претходна проверка. Доколку скенирате QR код, задолжително проверете дали веб-страницата што се отвора е официјална. Најдобро е да ја внесете адресата директно преку тастатура или да ја пребарате преку Google.
Ви благодариме,
Шпаркасе Банка АД Скопје