16 јануари 2025 г.
Известувања
Драги студенти,
Поради законска регулатива за засилена автентикација при бесконтактни плаќања на ПОС терминали, потребно е да го внесете ПИН кодот при плаќање за трансакцијата да биде успешна. По реализирање на оваа трансакција со ПИН ќе можете да продолжите да плаќате бесконтактно.
Доколку го знаете ПИН-от на својата картичка за студентски оброк НЕМАТЕ ПОТРЕБА ДА БАРАТЕ РЕИЗДАВАЊЕ НА ПИН и истата можете слободно да продолжите да ја користите без никакви ограничувања.
Доколку НЕ го знаете ПИН-от што го добивте од Шпаркасе Банка при издавање на картичката, имате две опции:
- Побарајте ја СМС пораката од бројот 144665 во која ви е испратен ПИН-кодот при подигнување на картичката, или
- Доколку не можете да ја најдете пораката и не го знаете точниот ПИН, потребно е да ја посетите било која експозитура на Шпаркасе Банка и да побарате БЕСПЛАТНО реиздавање на ПИН.
ЧЕКОРИ ЗА РЕИЗДАВАЊЕ НА ПИН:
- Посетете ја најблиската експозитура и побарајте реиздавање на ПИН
- ПИН-от ќе го добиете за најмногу четири работни дена
- Откако ќе добиете СМС порака од Банката дека ПИН-от е изработен, ќе можете да го подигнете во експозитурата во која го поднесовте барањето за реиздавање на ПИН
Се грижиме за квалитетот на услугите кои ги нудиме и за вашата безбедност. Ве потсетуваме дека ПИН кодот е основен дел од заштитата на вашите средства и затоа ве советуваме дека треба да го знаете во секое време без разлика дали плаќате бесконтактно или не. На тој начин ќе избегнете непријатности при употреба на картичката.
Доколку ви е потребна помош, контактирајте не на 02/ 15 050.