Почитувани клиенти,

Ве известуваме дека во текот на денот се забележани лажни телефонски повици од непознати лица кои се претставуваат како вработени во Шпаркасе Банка и кои од клиентите на банката бараат лични податоци, како матичен број, број на банкарска сметка, состојба на сметка и слично.

Посочуваме дека Шпаркасе Банка комуницира со своите клиенти исклучиво преку официјални канали на комуникација на банката и сензитивни податоци никогаш не бара од клиентите по телефонски пат. Ажурирањето на Вашите податоци се врши исклучиво во експозитурите на Банката или преку официјалните дигитални канали, каде што вашиот идентитет е целосно заштитен.

Ве советуваме да бидете внимателни и да не споделувате лични и чувствителни податоци со непознати лица преку телефон.

Доколку веќе сте имале ваков телефонски повик и сте ги споделиле Вашите податоци со непознато лице, Ве молиме ВЕДНАШ да се јавите во Контакт Центарот на Шпаркасе Банка на 02/ 15050, како би можеле да преземеме активности за спречување на измамите и заштита на вашите податоци.

Со почит,

Шпаркасе Банка АД Скопје