Почитувани,

Шпаркасе Банка е посветена на обезбедување еднаков, достоинствен и непречен пристап до банкарските услуги за сите свои клиенти. Во таа насока, ние континуирано работиме на унапредување на пристапноста и обезбедување соодветни услови за лицата со попреченост и за ранливите категории на клиенти.

Во сите свои експозитури Банката има обезбедено фиксни или монтажно-демонтажни рампи, со цел олеснет физички пристап до услугите. Дополнително, Шпаркасе Банка ја има определено Експозитура Капиштец, Скопје како надлежна експозитура за обезбедување соодветен третман и прилагодени услуги за лица со попреченост. Експозитурата се наоѓа во централното градско подрачје и овозможува лесен и директен пристап до референтите, благајниците и директорот на експозитурата.

Во рамки на оваа експозитура, за поддршка и асистенција на лица со попреченост се назначени одговорни лица во експозитурата, кои стојат на располагање на клиентите во текот на редовното работно време.

Со овие активности, Шпаркасе Банка ја потврдува својата заложба за инклузивност, еднаков третман и подобрено корисничко искуство за сите клиенти.


Со почит,        
Шпаркасе Банка