Депозитот може да биде во МКД, или во девизи. Ненаменски (за штедење) и наменски (за обезбедување на користени кредити, акредитиви, гаранции и слично). Нема ограничување за минималниот износ на депозит.
За депозити, Банката плаќа камата врз основа на договор за депозит. Договорната камата се пресметува на средства од денот на депонирањето на средствата до денот на истекот на договорениот рок, а може да се исплаќа месечно или на денот на доспевање.
При пресметување на камата на МКД депозитите се користи комфорен метод, додека при пресметување на камата на девизните депозити се користи пропорционален метод.
Автоматско реорочување
Договорите за депозити се со клаузула за автоматско орочување. Со тоа што доколку до денот на доспевање на тековниот депозит не поднесете писмено барање за разорочување на постојниот депозит или не побарате промена на претходно дефинираните услови ( пр. промена во рок на орочување или износ) постојниот депозит автоматски се продолжува за истиот период и под услови што моментално се актуелни, освен ако поинаку не е договорено со договорот за орочување.